Ular Berang Merah

Bapa terambat ular, masa atu kami duduk-duduk d pantaran. Bapa atu sebenarnya menyambangi kitang sekali specises lain pulang naik. Nya bapa nama ular ani Berang Merah, bebisa jua jenisnya. Nasib kamera ada masa atu.. ada jua kan di masukkan dlm UJ.

Musim Kitang kali...

Baru tah ku kan tePost yang ani. Ramai jua request kan suruh masukkan ceta kitang kali ani.

Cerita nya cani, I think dari awal bulan April udah start musim kitang ani coz beturut-turut urang rumah belurih kitang. Bapa merambat belurih, nene sama tua memukat belurih. Pajal lagi tu.. membari iski... Dua tiga minggu ani makan kitang saja kami, rebus kunyit..parahi lada padi..siruk kuahnya...yooo inda pandai kelanguan (inda jara bah).

Sekali rambat ganya ni...

_________________________________________

Ani masa nene memukat alum abis bepisi.. panuh tpt menaruh lauk.
Panuh bakul bulat ahh leh kitang saja

Baldi ani masa ku gambar separuh udah, balum lagi abis bepisi yang arah pukat


auw bukan sanang jua memisi kitang ani.. beiting

G-Mas Dengan Hasil Tangkapannya

Yang ani lurih Gmas mengail, inda ia mention ah di mana tempatnya. Salah satu lauk dalam gambarnya ani baru ku pernah meliat, namanya pun baru ku tau.. ada jua rupanya nama lauk ani Durian-Durian. Ucapan G-Mas gelarannya ganya tu pasal tajam-tajam sisiknya.. matanya lagi besar. So nama banarnya inda ku tau sama aku inda meliat secara live.. gambar nya ganya ku kena bagi oleh G-Mas.

Durian2 sama Belais Bali

Selungsong 5kg Bui...

Lucky day for Akmal kawan c Ayub, first time ku dangar ia dapat lauk Selungsong basar lagi tu. Inda ku tau bila durang turun mengail..awal pagi kali udah, dalam tengahari atu durang balik macam inda bedurih jua usul durang. Sekali keluar basar Bui.. Selungsong 5kg. Tarus ku ambil gambar and interview durang. Durang belurih di Pulau Keingaran.. senyum sengih-sengih seorang-seorang. Sampat lagi durang ambil video..


video taken by: Adli



Akmal and Selungsongnya.

Ada jua yang kan ambil kesempatan begambar..

Ngam-ngam 5kg barat nya..